واٹس ایپ کے چند بہترین ٹرکس

واٹس ایپ انٹرنیٹ صارفین کی بہت پسندیدہ ایپ ہے۔ دنیا بھر میں واٹس ایپ کے ایک ارب سے زائد صارفین ہیں، تاہم بہت کم افراد اس میں موجود دلچسپ ٹرکس سے واقف ہوتے ہیں، جس سے اس ایپ کے استعمال کرنے کا مزہ دوبالا ہو جاتا ہے۔

لاہور: (ڈنگہ لیکس) آپ واٹس ایپ میں اپنے ٹیکسٹ کو اب سجا کر بھی پیش کر سکتے ہیں۔ کسی لفظ کو بولڈ کرنا چاہتے ہیں تو اس کے آگے اور پیچھے * لگا دیں۔ اپنے لفظ کے شروع اور آخر میں _ کا اضافہ کریں۔ اپنے لفظ کے شروع اور آخر میں ~ کا اضافہ کر دیں

بلیو ٹک ختم کریں
واٹس ایپ اوپن کریں، سیٹنگز، اکاؤنٹ اور پھر پرائیویسی میں جائیں۔ وہاں ریڈ رسیپٹ کو ان چیک کر دیں۔ بدقسمتی سے ایسا کرنے پر آپ بھی نہیں دیکھ سکیں گے کہ دیگر افراد نے آپ کے پیغامات پڑھے ہے یا نہیں۔

بلیو ٹک میسج میں ظاہر نہ ہونے دیں

جب کوئی میسج موصول ہو تو ائیر پلین موڈ آن کریں، میسج اوپن کریں اور پڑھ لیں۔ بھیجنے والے کے سامنے بلیو ٹیک اس وقت نہیں آئے گا جب تک آپ واٹس ایپ کو دوبارہ اوپن نہیں کرتے۔

چیٹ ہسٹری محفوظ کریں

سیٹنگز میں جا کر پہلے چیٹ اور پھر چیٹ بیک اپ میں جائیں۔ اپنی چیٹ سیٹنگز کو کونفیگر کریں تا کہ بیک اپ ہفتہ وار یا ماہانہ بنیادوں پر بنیں اور اگر چاہے تو اس میں ویڈیوز کو بھی شامل کر سکتے ہیں۔

بڑا دل بھیجنا

چیٹ کے دوران ہارٹ ایموجی کو تلاش کریں اور اسے کسی لفظ یا ایموجی کے بغیر سینڈ کر دیں۔

کمپیوٹر اور فون سے فائلز ٹرانسفر کرنا

ایک گروپ تشکیل کریں، جس میں ایک دوست کو شامل کرکے پھر ڈیلیٹ کر دیں تا کہ آپ اکیلے ہی اس گروپ میں رہ جائیں۔ اب واٹس ایپ ویب اوپن کریں اور کیو آر کوڈ کے ذریعے لاگ ان ہو جائیں، جس کے بعد واٹس ایپ گروپ کے ذریعے جو میڈیا فائل چاہیں اسے کمپیوٹر میں منتقل کر دیں یا کوئی بھی چیٹ اوپن کرکے وہاں سے فائلز کمپیوٹر میں ٹرانسفر کر دیں۔ فائل شیئرنگ کے حوالے سے واٹس ایپ کی صلاحتیں محدود ہیں۔ رار، زپ، پی ڈی ایف، ایگزی، اے پی کے اور ورڈ فائل کے علاوہ کوئی فائل شیئر نہیں کی جا سکتی جبکہ یہ فائلز بھی 15 ایم بی تک ہی ہونی چاہئیں۔ یہاں پر کلاؤڈ سینڈ نامی ایپ کام آتی ہے۔ اس ایپ پر فائل اپ لوڈ کریں اور دئیے گئے لنک کو مطلوبہ صارف کو دے دیں۔ جب وہ اس پر کلک کریں گے، تو بآسانی فائل ڈاؤن لوڈ کر سکتے ہیں۔

واٹس ایپ پر موبائل نمبر تبدیل کریں
اکثر واٹس ایپ پر دیگر صارفین آپ کا فون نمبر دیکھ سکتے ہیں، لیکن اگر آپ متعدد موبائل فونز رکھتے ہیں تو نمبر تبدیل کرنے کے لیے اسے ان انسٹال کرکے ری انسٹال کرنا ہوتا ہے، تاہم ایسا کرنے کا ایک آسان طریقہ بھی موجود ہے۔ سیٹنگز میں اکاؤنٹس پر کلک کریں وہاں پر واٹس ایپ کا نمبر تبدیل کرنے کا آپشن موجود ہوگا اس پر کلک کریں۔ یہاں دو فیلڈز موجود ہوں گی۔ پہلی فیلڈ میں اپنا نیا نمبر جبکہ دوسری میں پرانا نمبر درج کریں اور ڈن پر کلک کریں۔ اس نئے نمبر کی چھان بین کے بعد واٹس ایپ آپ کی گفتگو اس نئے نمبر پر منتقل کردے گا۔

لاسٹ سین فیچر کو بند کریں
یہ فیچر ویسے تو کام کا ہے کیونکہ اس سے آپ کو پتا چلتا ہے کہ آپ کا دوست کس وقت آن لائن تھا، تاہم اس سے صارف کی پرائیوسی پر بھی اثر پڑتا ہے۔ اس فیچر کو بند کرنے کے لیے اکاؤنٹ میں جا کر لاسٹ سین بٹن پر کلک کریں اور ضروری تبدیلیاں عمل میں لائیں۔

اپنے دوست کی پروفائل تصویر بدل دیں
کانٹیکٹس میں جائیں اور اپنے دوست کا نمبر کاپی کریں، اب کسی تصویر کو لے کر اس پر اپنے دوست کا نمبر پیسٹ کر دیں اور پلس کا نشان ہٹا دیں یا لگا دیں۔ اب اس تصویر کو دوست کی واٹس ایپ پروفائل پکچر پر پیسٹ کریں اور اس کی پروفائل امیج بدل جائے گی۔